Berimba

PUISI

Karya SJAHRIR LAWIDE

Berimba...
Ane nganamo mepangajari, i gurumo metalingai
Berimba...
Ane nganamo mompekiri, i gurumo damo mosigiri

Berimba...
Ane kitamo mepakulisi, dokutoro nte mantrimo rasunti
Berimba...
Ane pakuli nubaka, ra pakulisika dua ri ara


Berimbana...
Ane todea monturo motangara, toma ogemo hilau manggavia
Berimba...
Ane tona nggodi ratudu moreke, toma ogemo ratudu modade

Berimba...
Ane dava ra sintuvui, sala ratoma kana
Topo Dava rapo pua ima, tope puse rapo pua kate

Berimba...
Ane kita nalengeka, pade tona hilau mangandena
Berimba...
Ane kitamo mambela, bo kitamo hilau rasape

Berimba...
Ane tona manoto ra pakambongo
Tona mabelo ra pa ribengo
Pade ra pelisi 
To pebalenggai aga to pekande bayangi
To paguru mekande mpo kabuku

Berimba...?
Tano kana berimba.

Mpadondo Nu Jumaa Ri Bula Niupi Mpae, 2002