Petevai Ka I Bilo

PUISI

Karya SJAHRIR LAWIDE

Bilo.....
Ku uki isi nuramputi ka kita mpasanggani
Todea dako ri lembana
Todea dako ri buntina
Todea dako ri pasu patampasu
Naliangu mpakasangu

Rara mputi kana mapaci
Rara mputi kana magali
Napoku mosangu rara mosangu patuju
Mekabeti mekalaya mpomanasa
Manoreaka ngata ntovea


Bilo.....
Ku petevai ....
Kami todea rapana tonia
Norumuta rikapi ntinana
Iko mami nisaruamaka
Iko mami i tandadila
Anu maka mantayapi livoto

Bilo.....
Peili todeamu
Pakabosu taina, paka rangga'a bukuna, pakanapa popakeana
Pakanou balenggana, pakalino talingana, pakapiri matana
Tora Bilo.....
Kita topakasi kana mosipeili
Kita ledo tona nabote kana mosimpotove
Kita nipotumpia kana mainga
Kita nicapa kana mosabara
Kita nisauru kana matarusu

Nemo ntoto eva tona rilau
Nokainggu mpotinggalu
Aga nompakarasa petidandana
Aga nompakapore kosuna

Bilo.....
Ku tape'e tana pitunggani
Ku pakatu panembulu mupotimali
Sanggani...ruanggani...talunggani...
Patanggani mapatarakamo...
Sai alima melimamo...
Sai aono kana maroso...
Papitu maliu ntinuvu makoroase
Malolo mpo kalukubula kalena matosu tana
Jakomo tulau....

Kabere Ntavuni, 31 Januari 2008